作為麵痴, 其實一碗好食的拉麵已經足夠滿足我。不過一風堂Menu就似乎要迎合香港人心多多的性格而越來越豐富, 趁著香港期間限定黑Kuro拉麵推出, 約好一風堂師傅官木崇茂Takashige Miyaki邊食邊吹, 識食梗係要搵師傅一齊食!

主角先上, 我認自己重口味, 黑Kuro拉麵重黑蒜油味道較重而不帶焦味, 加上辣麵豉其實味道很豐富, 成功贏到我這個獨孤一味的赤丸Fans。不過跟官木崇茂師傅了解, 原來香港一風堂的拉麵味道相對日本的已經調淡兼少鹽少油去迎合香港人口味。還好, 點拉麵時其實可以Custom made, 跟師傅你傾得投契, 下次得點硬身麵才好!

跟黑Kuro拉麵同期, 這個一風堂炸蛋很有創意。用香港人至愛的溫泉蛋外包豚肉再炸, 全人手製, 炸完蛋黃仍然流心先高手!

師傅透露除了拉麵, 其實自己很喜歡香港地道茶餐廳。所以邊吃這個Upgrade烘底角包, 我邊覺得靈感應該來自茶餐廳餐蛋治烘底! 一風堂吉列叉燒漢堡角包簡簡單單烘底升級, 角包烘過後不會再因為水和油變得太濕, 口感好得多!

豚骨湯菠菜賣相平平無奇, 試過才知用豚骨拉麵湯煮菠菜, 無草青味原來可以好好味, 小鍋熱辣辣上台一絕!

當香港拉麵店成行成市, 一風堂主打拉麵再加入特色食品其實頗迎合一家大小或三五知己。吃個半飽才發現到原來一風堂全線有賣串燒! 好, 下次試!